கம்ப்யூட்டர் என்றால் என்னவென்று கொஞ்சமாவது கற்றுக் கொண்ட அனைவருமே அடுத்த விநாடியே ஆராய முற்படுவது, வீட்டிலிருந்தபடியே இதில் ஏதாவது வேலை செய்து காசு பார்க்க முடியுமா என்பது தான்.
தவறில்லை.
நேர்மையாக வரும் ஒவ்வொரு காசுமே நல்லது தான்.
அதுவும் இந்த கால கட்டத்தில் கம்ப்யூட்டர் இல்லாவிட்டால் ஒரு பொழுதும் விடியாது. அதுவும் இணையம் என்று ஒன்று இல்லாவிட்டால் அவ்வளவு தான்.
முதலில் கம்ப்யூட்டரைக் கண்டு பிடித்தவருக்கும், இணையம் என்ற அற்புதத்தை கண்டு பிடித்தவருக்கும் ஒரு நன்றியை தெரிவித்துக் கொள்வோம்.
சரி விஷயத்துக்கு வருவோம்.
வீட்டிலிருந்தபடியே காசு பார்க்க முற்படும் அனைவரும், இணையத்தில் உள்ள தேடு பொறிகளுக்குச் சென்று 'work at home' என்று கொடுத்து வரும் விடைகளில் ஒவ்வொன்றாகத் தேர்ந்தெடுத்து அதிலிருந்து எதுவும் சம்பாதிக்க வழி இருக்கிறதா என்று பார்க்க முற்படுகிறார்கள்.
இவற்றில் பலவும், "99 டாலர் கட்டுங்கள். அடுத்த விநாடியிலிருந்து மணி நேரத்துக்கு ஆயிரம் டாலர் சம்பாதிக்கலாம்' என்கிற ரீதியில் காதில் லாரி அளவு பூச் சுற்றும் விஷயங்கள் தான்.
இதில் காசு கொடுத்து 99 ரூபாய் கூட சம்பாதிக்க முடியாமல் போவது 100 %நிச்சயம்.
சரி வீட்டிலிருந்தபடியே கம்ப்யூட்டரில் காசு பார்க்க முடியாதா என்று கேட்கிறீர்களா?
ஏன் முடியாது?
இதில் எப்படியெல்லாம் சம்பாதிக்கலாம், இதில் உள்ள ப்ளஸ், மைனஸ் என்ன என்பது குறித்தெல்லாம் வரிசையாக பார்க்கலாம் வாருங்கள்.
Tuesday, August 12, 2008
Subscribe to:
Post Comments (Atom)
0 comments:
Post a Comment